ਬ੍ਰਹਮਾਸਤਰ ਦੀ ਵਰਤੋਂ ਕੀਟਾਂ ਅਤੇ ਵੱਡੀਆਂ ਸੁੰਡੀਆਂ ਨੂੰ ਰੋਕਣ ਲਈ ਕੀਤੀ ਜਾਂਦੀ ਹੈ। ਆਓ ਜਾਣੀਏ ਇਸ ਨੂੰ ਬਣਾਉਣ ਅਤੇ ਵਰਤਣ ਦੀ ਵਿਧੀ ਬਾਰੇ
ਸਮੱਗਰੀ
• 10 ਲੀਟਰ ਗਊ ਮੂਤਰ
• 3 ਕਿੱਲੋ ਨਿੰਮ ਦੇ ਪੱਤੇ (ਕੁੱਟੇ ਹੋਏ)
• 2 ਕਿੱਲੋ ਕਰੰਜ ਦੇ ਪੱਤੇ (ਕੁੱਟੇ ਹੋਏ)
• 2 ਕਿੱਲੋ ਸੀਤਾ ਫ਼ਲ ਦੇ ਪੱਤੇ (ਕੁੱਟੇ ਹੋਏ)
• 2 ਕਿੱਲੋ ਬੇਲ ਦੇ ਪੱਤੇ (ਕੁੱਟੇ ਹੋਏ)
• 2 ਕਿੱਲੋ ਅਰੰਡੀ ਦੇ ਪੱਤੇ (ਕੁੱਟੇ ਹੋਏ)
• 2 ਕਿੱਲੋ ਧਤੂਰੇ ਦੇ ਪੱਤੇ (ਕੁੱਟੇ ਹੋਏ)
ਬਣਾਉਣ ਦੀ ਵਿਧੀ
• ਸਭ ਤੋਂ ਪਹਿਲਾ ਇਨ੍ਹਾਂ ਸਾਰੀ ਸਮੱਗਰੀਆਂ ਵਿੱਚੋਂ ਕਿਸੇ ਵੀ ਪੰਜ ਸਮੱਗਰੀ ਦੇ ਮਿਸ਼ਰਣ ਨੂੰ ਗਊ-ਮੂਤਰ ਨਾਲ ਮਿਲਾ ਕੇ ਮਿੱਟੀ ਦੇ ਬਰਤਨ ਵਿੱਚ ਪਾ ਕੇ ਅੱਗ ‘ਤੇ ਉਬਾਲ ਲਵੋ।
• ਚਾਰ ਉਬਾਲ਼ੇ ਆਉਣ ‘ਤੇ ਬਰਤਨ ਨੂੰ ਅੱਗ ਤੋਂ ਉਤਾਰ ਕੇ 48 ਘੰਟੇ ਛਾਂ ਵਿੱਚ ਠੰਡਾ ਹੋਣ ਲਈ ਰੱਖ ਦਿਓ।
• ਇਸ ਤੋਂ ਬਾਅਦ ਕੱਪੜੇ ਨਾਲ ਛਾਣ ਕੇ ਭੰਡਾਰਣ(ਸਟੋਰ) ਕਰੋ।
ਵਰਤੋਂ
ਬ੍ਰਹਮਾਸਤਰ ਦੀ ਵਰਤੋਂ ਤਿਆਰ ਕਰਨ ਤੋਂ ਛੇ ਮਹੀਨੇ ਤੱਕ ਕੀਤੀ ਜਾ ਸਕਦੀ ਹੈ।
ਸਾਵਧਾਨੀਆਂ
• ਭੰਡਾਰਣ ਮਿੱਟੀ ਦੇ ਬਰਤਨ ਵਿੱਚ ਕਰੋ।
• ਗਊ-ਮੂਤਰ ਨੂੰ ਧਾਤੂ ਦੇ ਬਰਤਨ ਵਿੱਚ ਨਾ ਰੱਖੋ।
ਛਿੜਕਾਅ
• 3 ਤੋਂ 4 ਲੀਟਰ ਬ੍ਰਹਮ-ਅਸਤਰ ਨੂੰ 100 ਲੀਟਰ ਪਾਣੀ ਵਿੱਚ ਮਿਲਾ ਕੇ ਇੱਕ ਏਕੜ ‘ਤੇ ਛਿੜਕਾਅ ਕਰੋ।
ਖੇਤੀਬਾੜੀ ਅਤੇ ਪਸ਼ੂ-ਪਾਲਣ ਬਾਰੇ ਵਧੇਰੇ ਜਾਣਕਾਰੀ ਲਈ ਆਪਣੀ ਖੇਤੀ ਐਪ ਡਾਊਨਲੋਡ ਕਰੋ - ਐਂਡਰਾਇਡ, ਆਈਫੋਨ