ਸੁੰਡੀ, ਰਸ ਚੂਸਣ ਵਾਲੇ ਕੀਟ ਜਿਵੇਂ ਤੇਲਾ, ਚੇਪਾ ਆਦਿ ਦੇ ਨਿਯੰਤਰਣ ਲਈ ਦਵਾਈ ਬਣਾਉਣ ਅਤੇ ਉਸ ਦੀ ਵਰਤੋਂ ਕਰਨ ਦੇ ਢੰਗ ਹੇਠ ਲਿਖੇ ਅਨੁਸਾਰ ਹਨ।
• ਦੇਸੀ ਗਾਂ ਦਾ ਮੂਤਰ 5 ਲੀਟਰ ਲੈ ਕੇ ਉਸ ਵਿੱਚ 2-3 ਕਿੱਲੋ ਨਿੰਮ ਦੇ ਪੱਤੇ ਜਾਂ 40-50 ਕਿੱਲੋ ਨਿੰਮ ਦੀ ਖਲ ਜਾਂ 2 ਕਿੱਲੋ ਮਾਈਕ੍ਰੋ ਨਿੰਮ ਆੱਰਗੈਨਿਕ ਖਾਦ ਇੱਕ ਵੱਡੇ ਮਟਕੇ ਵਿੱਚ ਭਰ ਕੇ 10-15 ਦਿਨ ਤੱਕ ਗਲਣ ਲਈ ਰੱਖ ਦਿਉ। ਗਲਣ ਤੋਂ ਬਾਅਦ ਉਸ ਮਿਸ਼ਰਣ ਵਿੱਚੋਂ 5 ਲੀਟਰ ਮਾਤਰਾ ਨੂੰ 150-200 ਲੀਟਰ ਪਾਣੀ ਵਿੱਚ ਮਿਲਾ ਕੇ ਪ੍ਰਤੀ ਹਫਤਾ ਛਿੜਕਾਅ ਕਰੋ। ਇਸ ਨਾਲ ਸੁੰਡੀ, ਰਸ ਚੂਸਣ ਵਾਲੇ ਕੀਟ ਨਿਯੰਤਰਿਤ ਹੋਣਗੇ।
• 500 ਗ੍ਰਾਮ ਲਸਣ, 500 ਗ੍ਰਾਮ ਤਿੱਖੀ ਹਰੀ ਚਟਨੀ ਲੈ ਕੇ ਉਸ ਨੂੰ ਬਾਰੀਕ ਪੀਸ ਕੇ 150-200 ਲੀਟਰ ਪਾਣੀ ਵਿੱਚ ਘੋਲ ਕੇ ਫਸਲਾਂ ‘ਤੇ ਛਿੜਕਾਅ ਕਰੋ। ਇਸ ਨਾਲ ਇਹ ਕੀਟ ਨਿਯੰਤਰਿਤ ਹੋਣਗੇ।
• 10 ਲੀਟਰ ਗਊ ਮੂਤਰ ਵਿੱਚ 2 ਕਿੱਲੋ ਅੱਕ ਦੇ ਪੱਤਿਆਂ ਨੂੰ 10-15 ਦਿਨ ਤੱਕ ਗਾਲ ਕੇ ਇਸ ਮੂਤਰ ਨੂੰ ਅੱਧਾ ਬਚਣ ਤੱਕ ਉਬਾਲੋ। ਫਿਰ 1 ਲੀਟਰ ਮਿਸ਼ਰਣ ਨੂੰ 150-200 ਲੀਟਰ ਪਾਣੀ ਵਿੱਚ ਮਿਲਾ ਕੇ ਪ੍ਰਤੀ ਏਕੜ ‘ਤੇ ਛਿੜਕਾਅ ਕਰੋ।
• ਉਪਰੋਕਤ ਦਵਾਈਆਂ ਦਾ ਅਸਰ 5-7 ਦਿਨ ਤੱਕ ਰਹਿੰਦਾ ਹੈ। ਇਸ ਲਈ ਇਸ ਮਿਸ਼ਰਣ ਦਾ ਛਿੜਕਾਅ 1 ਵਾਰ ਫਿਰ ਕਰੋ, ਜਿਸ ਨਾਲ ਕੀਟਾਂ ਦੀ ਦੂਸਰੀ ਪੀੜ੍ਹੀ ਵੀ ਨਸ਼ਟ ਹੋ ਜਾਵੇ।
ਖੇਤੀਬਾੜੀ ਅਤੇ ਪਸ਼ੂ-ਪਾਲਣ ਬਾਰੇ ਵਧੇਰੇ ਜਾਣਕਾਰੀ ਲਈ ਆਪਣੀ ਖੇਤੀ ਐਪ ਡਾਊਨਲੋਡ ਕਰੋ - ਐਂਡਰਾਇਡ, ਆਈਫੋਨ