• ਉੱਲੀ ਵਾਲੀਆਂ ਬਿਮਾਰੀਆਂ ਤੋਂ ਬਚਾਅ ਲਈ, ਤਾਂਬੇ ਦੇ ਬਰਤਨ ਵਿੱਚ ਰੱਖੀ 4 ਦਿਨ ਪੁਰਾਣੀ ਖੱਟੀ ਲੱਸੀ ਨੂੰ 15 ਲੀਟਰ ਪਾਣੀ ਵਿੱਚ ਮਿਲਾ ਕੇ ਸਪਰੇਅ ਕਰੋ।
• ਕੱਦੂ ਵਾਲੀਆਂ ਫ਼ਸਲਾਂ ਵਿੱਚ ਲਾਲ ਭੂੰਡੀ ਤੋਂ ਬਚਾਅ ਲਈ, ਸਵੇਰ ਦੇ ਸਮੇਂ 2 ਕਿੱਲੋ ਗੋਹੇ ਦੀ ਸਵਾਹ ਨੂੰ 20 ਮਿ.ਲੀ. ਮਿੱਟੀ ਦੇ ਤੇਲ ਵਿੱਚ ਮਿਲਾ ਕੇ ਛਿੱਟਾ ਦਿਓ।
• ਵੱਖ-ਵੱਖ ਕੀੜਿਆਂ ਤੋਂ ਬਚਾਅ ਲਈ, 2 ਕਿੱਲੋ ਲੱਸਣ, 1 ਕਿੱਲੋ ਅਦਰਕ ਅਤੇ 1 ਕਿੱਲੋ ਹਰੀਆਂ ਮਿਰਚਾਂ ਨੂੰ ਇਕੱਠਿਆਂ ਪੀਸ ਲਓ ਅਤੇ 14 ਲੀਟਰ ਪਾਣੀ ਵਿੱਚ ਮਿਲਾ ਕੇ ਕੱਪੜੇ ਨਾਲ ਪੁਣ ਲਓ। ਫਿਰ ਇਸ ਘੋਲ ਦਾ ਛਿੜਕਾਅ ਫ਼ਸਲਾਂ ‘ਤੇ ਕਰੋ।
• ਪੱਤਾ ਮਰੋੜ ਬਿਮਾਰੀ ਤੋਂ ਛੁਟਕਾਰਾ ਪਾਉਣ ਲਈ, 250 ਗ੍ਰਾਮ ਕੱਚੇ ਦੁੱਧ ਨੂੰ 15 ਲੀਟਰ ਪਾਣੀ ਵਿੱਚ ਮਿਲਾਓ। ਫਿਰ ਇਸ ਘੋਲ ਦਾ ਹਫਤੇ ਵਿੱਚ ਤਿੰਨ ਵਾਰ ਛਿੜਕਾਅ ਕਰੋ।
• ਗੋਹਾ ਇੱਕ ਪ੍ਰਭਾਵਸ਼ਾਲੀ ਗਰੋਥ ਪ੍ਰਮੋਟਰ ਹੈ। 1 ਸਾਲ ਪੁਰਾਣੀਆਂ 3 ਪਾਥੀਆਂ 10 ਲੀਟਰ ਪਾਣੀ ਵਿੱਚ ਮਿਲਾ ਕੇ 4 ਦਿਨ ਲਈ ਛਾਂ ਵਿੱਚ ਰੱਖ ਦਿਓ ਅਤੇ ਫਿਰ 2 ਗੋਹੇ ਦੇ ਘੋਲ ਨੂੰ 15 ਲੀਟਰ ਪਾਣੀ ਵਿੱਚ ਮਿਲਾ ਕੇ ਸਪਰੇਅ ਕਰੋ। ਇਹ ਫ਼ਸਲ ਦਾ ਵਿਕਾਸ ਤੇਜ਼ੀ ਨਾਲ ਕਰਨ ਵਿੱਚ ਮਦਦ ਕਰਦਾ ਹੈ।
ਖੇਤੀਬਾੜੀ ਅਤੇ ਪਸ਼ੂ-ਪਾਲਣ ਬਾਰੇ ਵਧੇਰੇ ਜਾਣਕਾਰੀ ਲਈ ਆਪਣੀ ਖੇਤੀ ਐਪ ਡਾਊਨਲੋਡ ਕਰੋ - ਐਂਡਰਾਇਡ, ਆਈਫੋਨ